संस्थाको परिचय

संस्थाको परिचय नाम :- गोरखा मीलेनियम बहुउद्देश्यीय सहकारी संस्था लिमिटेड
ठेगाना :- काठमाण्डौं महानगरपालिका वडा नं.-३४, शान्‍तिनगर गेट, नयाँ बानेश्‍वर, काठमाण्डौं ।
स्थापना :- २०५७ कार्तिक १८ गते
दर्ता मिति :- २०५७ कार्तिक २१ गते
दर्ता नम्बर :- ६७९/०५७/०५८ जिल्ला सहकारी कार्यालय बिजुलीबजार,काठमाण्डौं ।
कार्य क्षेत्र :- काठमाण्डौं महानगरपालिका र आसपासका केहि क्षेत्र भित्र ।
पुरा गरेको अबधि :- आठौं बर्षपुरागरि  नवौ बर्षमा प्रवेश गरेको

सामुहिक कार्य :- यस संस्था मार्फत आफना शेयर सदस्यहरुलाई रोजगारमुलक कार्य तर्फ प्रोत्साहन गरि ब्यापार, ब्यवसाय गर्ने बाटो देखाई आत्मानिर्भर तर्फ उन्मुख गराउने र भू.पू. ब्रिटिश परिवारजनमा एकता र भातृत्वको बिकास गरि परेको वेला सस्तो र र्सवसुलभ ब्याजदरमा ऋण उपलब्ध गराउने र बचत गर्ने बानीको बिकासमा जोड दिई बैकिङ्ग सेवा गर्ने ।

स्थायी लेखा नम्बर :- ३००५८३८४३ ९
शेयर सदस्य संख्या स्थापनाकालमा :- ३५ जना
स्थापनाकालमा संचालक समिति संख्या :- १३ जना
स्थापनाकालका यस संस्थाका अध्यक्ष :- क्या. श्री एकाराम गुरुङ
हालका संचालक समितिका अध्यक्ष :- श्री पुरञ्जन राई

कर्मचारी संख्या :-
-क) ब्यावस्थापन बर्गबाट ५ जना
-ख) कार्यालय कर्मचारी १७ जना

हालको संचालक समिति संख्या :- १३ जना
महिला संख्या :- ६
पुरुष संख्या :- ७ लेखा
लेखा समिति संख्या :- ३ जना

गोरखा मीलेनियम बहुउद्देश्यीय सहकारी संस्था लि. ब्रिटिश गोरखा भू.पू सैनिक तथा बर्तमान ब्रिटिश गोरखा सैनिकमा कार्यरत र उनीहरुको परिवारद्धारा संचालन गरिएको हो । यस संस्थाले आफनो स्थापनाकालदेखि आजसम्म सेवामुखी भई शेयर सदस्य, ग्राहक महानुभावहरुको हितमा कार्यगरि आजको यो स्थितिसम्म आईपुगेको छ । यस संस्थाले स-साना छरिएर त्यसै खेर गइरहेको रुपैयाँ, पैसालाई खुत्रुके बचत र क्रमिक बचत मार्फ संकलन गरि त्यसमा आकर्ष ब्याजदरमा एकमुष्ठ भुक्तानी दिने कार्यले शेयर सदस्यहरुलाई यस संस्थाप्रति सहकार्य गरि आफना समस्यालाई थोरै भएपनि समाधान गर्ने सफल भएको छ । हामी भू.पू.सैनिक परिवार एकताबद्ध भई समानता,न्यायिक र भेदभावपूर्ण ब्यवहारको बिरुद्ध ब्रिटिश सरकारसंग लडिनै रहेको वेला हाम्रो सहकार्य, निष्ठा र हामीले चलाएको भेदभाव बिरुद्धको न्यायोचित आन्दोलनबाट धेरै न्यायिक निर्णय हाम्रो पक्षमा भएका छन् र धेरै उपलब्धीहरु हासिल गरेका छौं । हामीले ब्रिटिशहरुको सेवा गरे वापत पाएको इमान्दारीको कमाई उपर्युक्त ठाउँमा लगानी गरेर आफु र आफना बाल – बच्चाको भबिष्य सुनिश्चित गर्ने अभिप्रेरित गर्दछौं । देशको बिग्रिदो शान्ति सुरक्षाको अवस्था, खस्कदो आर्थिक अबस्थामा र लगानीका अबसरहरु हराउदै गएका छन् । यस खालको बिषम परिस्थितिले सबै क्षेत्रमा निराशा र सन्नटा छाएको बेलामा पनि हामीले आर्थिक उन्नति हासिल गर्न सफल भएका छौं । आगामी दिनमा हामीले यस संस्थाको कार्यक्षेत्र बिस्तार गरि शसक्त रुपमा यस संस्थाको उद्देश्य, लक्ष्य अनुरुप कार्य गरि अगाडी बढ्ने अठोट गरेका छौं ।

परिकल्पना :-

सुशिक्षित, समृद्ध, नैतिकवान, सबैखाले शोषणयूक्त र समानतामूलक समाजको निर्माणमा हाम्रो पहल र सामुहिक प्रयासको सहभागीता हुनेछ । साथै सहकारी सिद्धान्त, सहकारी ऐन् २०४८, सहकारी नियमावली २०४९ र यस संस्थाको बिधान, बिनियमको अधिनमा रहेर कार्य गर्ने छ । आफनो शेयर सदस्यहरुलाई र्सवसुलभ र सस्तो ब्याजदरमा ऋण उपलब्ध गराई उनीहरुलाई स्वावलम्वी र आत्मानिर्भरतर्फ उन्मुख गराई बचत गर्ने बानीको बिकास गर्ने र फजुल खर्च गर्ने बानीलाई निरुत्साहित पार्न यसको परिकल्पना गरिएको हो ।

भूमिका :-

नेपालको आधुनिकीकरणको सन्दर्भ सँगसँगै र्सवाङ्गीण बिकासको क्रममा आर्थिक तथा सामाजिक बिकासमा महत्वपूर्ण भूमिका प्रदान गर्ने अठोटका साथ सहकारीमा आधारित आर्थिक संकलन, ब्यापार, ब्यवसायमा लगानी गर्ने र स-साना रकमहरुको संकलनबाट आफना समस्याको निराकरणमा गोरखा मीलेनियम बहुउद्देश्यीय सहकारीलाई प्रस्तुत गर्न सकिन्छ । समुदाय, समुह र स्थानिय रुपमा नगदकोष जम्मा गरि परिचालन गर्दा बैंक र बित्तिय संस्थासम्म आफनो पहुँच पुग्न नसकेका निम्न आय स्रोत भएका छरिएका समुदाय र समूहमा बचत तथा ऋण सहकारी साँच्चिकै फलदायि र सफल सिद्ध हुदै जाने अठोटका साथ २०१३ साल देखि नै सहकारी प्रयासबाट संचालन भएको पाईन्छ । त्यसो त नेपालमा अनादिकालदेखि नै आपसी सहयोगको लागि अनौपचारिक रुपमा बचत तथा ऋण कार्यक्रमहरु सामुहिक रुपमा संचालित रहदै आएका छन् । धर्मभिकारी, पर्म, गुठी, ढुकुटी, गुम्वा यसका उदाहरणको रुपमा आउँछन् । यी क्षेत्रहरुमा पनि मानिसहरुले आफनो सामाजिक एंव आर्थिक आवश्यकताहरु सामुहिक सहमति अनुसार परिपुर्ति गर्ने गरेको पाईन्छ । यसरी आपसी सहयोग र स्वावलम्बि भावनाको बिकास गर्दै “एकको लागि सबै र सबैको लागि एक” भन्ने सहकारीको मुल मान्यता अनुरुप यस संस्थाको स्थापना भएको हो ।